Кіріспе

Microsoft Windows Server Essentials (бұрынғы Small Business Server немесе SBS) – Microsoft компаниясының 25-ке дейін пайдаланушысы немесе 50-ге дейін құрылғысы бар кәсіпорындарға арналған интеграцияланған серверлік жиынтығы. Оған Windows Server, Exchange Server, Windows SharePoint Services және Microsoft Outlook кіреді. Қолданба сервері технологиялары тығыз байланыстырылған, біріктірілген орнату, күшейтілген бақылау, қашықтықтан веб-жұмыс ортасы, бірыңғай басқару консолі және қашықтықтан қол жеткізу сияқты басқару мүмкіндіктерін ұсыну үшін. Windows Server Essentials 2022 нұсқасынан бастап бұл өнім тек OEM провайдерлері арқылы ғана қолжетімді. Бұл өнім пайдаланушылар/құрылғылар және процессорлар саны бойынша лицензиялау шарттары мен шектеулері жағынан Windows Server 2022 Standard сияқты, сонымен қатар оның мүмкіндіктерін де ұсынады.

Шағын бизнес сервері ретінде

Бастапқыда Microsoft, Microsoft BackOffice Server нұсқасы болып табылатын Шағын Бизнес Серверін (SBS) сатты. Бірақ Windows 2000 шыққаннан кейін Microsoft, Small Business Server 2000 бағдарламасын жеке өнім ретінде бөліп шығарды. Осыған дейін SBS-тің Premium нұсқаларына SQL Server, ISA Server және FrontPage кірген. SBS 2003 және одан кейінгі нұсқаларының барлығы "Windows" таңбасымен және Windows Server нұсқалары ретінде шығарылды. SBS 2008 Windows Server 2008 нұсқасымен бірге келді, бұл Windows Server 2008 Essential Server Solutions ("WinWESS") деп аталады, сонымен қатар Windows Server 2008 Standard FE деп те белгіленеді. Windows Server 2008-дің осы нұсқасы өнім жиынтығынан тыс қолжетімді және максимум 15 клиенттік қол жеткізу лицензиясын қолдайды. SBS 2008 Premium Edition-да ISA Server жоқ, бірақ SQL Server 2008 бар. Software Assurance арқылы SBS 2008 Premium Edition-ға жаңарғандарға ISA Server-дің соңғы нұсқасына тегін лицензия берілді. 2008 жылдың желтоқсанында Microsoft орташа бизнестің қажеттіліктеріне бағытталған Windows Essential Business Server өнімін де ұсынды, бірақ сұраныстың төмендігіне байланысты 2010 жылдың маусым айында өндірілімі тоқтатылды. SBS 2011 Essentials, Standard және Premium нұсқаларында қол жетімді болды. Essentials нұсқасы 1-ден 25 пайдаланушыға дейін арналған, қысқартылған нұсқа; ал қалған нұсқалар Windows Server код базасына негізделген және Windows Server-мен бірге келетін мүмкіндіктерге қоса Exchange Server, Windows SharePoint Services және Microsoft Outlook-ты қамтиды.

Windows Server Essentials ретінде

Windows Server 2012 нұсқасынан бастап Microsoft SBS-ті Windows Server Essentials деп атауын өзгертті. Windows Server Essentials-тің төрт нұсқасы, Windows Server нұсқаларымен бірге шығарылды: 2012, 2012 R2, 2016 және 2019. Windows Server 2019 Essentials, "Windows Server Essentials Experience" рөлі Windows Server 2019 баптауларының ешқайсысына енгізілмегендіктен, бұрынғы Windows Server Essentials нұсқаларында болған көптеген мүмкіндіктерді жойды. Бұл Essentials Connector, клиенттік компьютерлердің резервтік көшірмесі, Office 365 интеграциясы, қашықтан веб-кіру және Windows Server Essentials тақтасы сияқты мүмкіндіктерді қамтиды. Windows Server 2022 шығарылғаннан кейін Microsoft, Windows Server Essentials 2022 ұсынысы Windows Server 2022 стандартты нұсқасы үшін жасалған арнайы лицензиялау схемасы екенін хабарлады. Қолданудан алынған кезде Microsoft осы бағдарламалық жасақтаманы Microsoft 365 және Microsoft Azure жоспарларының бір бөлігі ретінде ұсынды.