Кіріспе

Американдық әскери шенеунік және жазушы (1952 жылы туған) – әскери шенеунік, романист және эссеші.

Ральф Петерс (19 сәуір 1952 жылы туған) – АҚШ Армиясының отставкадағы подполковнигі және жазушы. Ол көркем емес кітаптарынан өзге, Оуэн Пэрри атты бүркеншік атымен сегіз роман жариялаған, оның ішінде Хэммет сыйлығына ие болған «Құрмет патшалығы» романы бар. Ральф Петерс атымен жарық көрген үш романы әскери көркем әдебиеттегі үздік шығармалар үшін У.Ю. Бойд әдеби сыйлығымен марапатталды.

Ерте өмір және білім

Петерс Пенсильвания штатының Поттсвилл қаласында дүниеге келіп, жақын маңдағы Скуилкилл-Хейвен қаласында өсті. Ол әкесінің жағынан неміс және лютеран дінін ұстанған, ал анасының жағынан валлий және методист дінін ұстанған ұрпақтан тараған. Оның әкесі көмір шаруасы және кәсіпкер болған. Оның әйелі Кэтрин МакИнтайр Питерс Atlantic Media компаниясының "Government Executive" басылымының бас редактордың орынбасары.

Әскери

Питерс 1976 жылы Пенсильвания мемлекеттік университетін бітіргеннен кейін АҚШ армиясына қатарына енді. Петерстің алғашқы қызметі Германияда болды. Германиядан оралғаннан кейін ол офицерлік дайындық мектебіне түсіп, 1980 жылы офицер шені алды. Ол 46-шы жаяу әскер полкінің 1-ші батальонында, содан кейін 1-ші бронетанкті дивизия құрамында қызмет етті. Петерс Германияда он жыл әскери барлау саласында жұмыс істеді, кейіннен ол Совет Одағына маманданған Шетелдік аймақ офицері болып тағайындалды. Ол Бас штаб және әскери академияны бітірді. Оның соңғы қызметі – Ақпараттық қызмет жөніндегі штаб бастығының орынбасарының кеңсесінде болды. 22 жыл әскери қызметтен кейін 1998 жылы подполковник шенімен зейнетке шықты.