Кіріспе
Британдық натуралистер қауымдастығы (БНА), 1905 жылы Э. Кей Робинсон Британ империясы натуралистер қауымдастығы (БЭНА) деп құрған, Ұлыбританияда табиғатты зерттеуді дамытуға бағытталған ұйым. Ол "Country side" журналын жариялайды.
Шығу тегі
Бұл қауымдастық, өсімдіктер, құстар, көбелектер сияқты нақты бір салаға ғана маманданған басқа қауымдастықтардан өзгеше, табиғи тарихтың барлық саласын зерттеуді қолдау мақсатымен құрылған. Елдік деңгейде конференциялар, оқу күндері, жазғы саяхаттар мен демалыс күндері, лекциялар және көрмелер ұйымдастырылады. Өңірлік филиалдарда жаңа мүшелер білім алатын, ал тәжірибелі табиғат зерттеушілер өз білімімен бөлісетін баяндамалар мен жабайы табиғатты зерттеуге арналған саяхаттар ұйымдастырылады. Қауымдастық "Country Side" журналын жариялайды. Бұл қауымдастық ақпарат жинақтау, табиғи тарихқа қатысты әдебиеттерді басып шығару және әлемнің түкпір-түкпірінен шығатын көптеген басылымдар мен журналдарға көмектесу арқылы қолдау көрсетеді.
Жарияланымдар
Олардың Country side журналы жылына екі рет BNA мүшелері үшін жарияланады, бірақ ол кітапханаларда да қолжетімді. "Британдық натуралист" тоқсандық хабарламасы тек мүшелерге арналған. BNA-ның "How to Begin The Study of" кітаптар сериясы, соның ішінде "How to Begin the Study of Natural History", "How to Begin The Study of Mosses and Liverworts" және "How to Begin The Study of Slugs and Snails" кітаптары, болашақ табиғат зерттеушілеріне Британияның табиғи ортасын зерттеуге көмектеседі.
Құрылымы
БНА президенті – Роджер Тейбор.
Питер Скотт атындағы мемориалдық сыйлық
Бұл марапат Питер Скоттың, ұзақ жылдар бойы БНА вице-президенті болған адамның қазасынан кейін оның еңбектерін еске алу мақсатымен тағайындалды. Марапат табиғат тарихы мен табиғатты қорғауды түсінуге ерекше үлес қосқандарға табыс етіледі. 2019 жылға дейін марапат алғандар:
Дэвид Аттенборо; Крис Бэйнс; Тревор Биби; Дэвид Беллами; Гордон Беннингфилд; Джон Клег; Джон Клаудсли Томпсон; Ричард Фиттер; Макс Хупер; Гарольд Хьюз; Саймон Кинг; Ричард Мейби; Джордж К. Макгавин; Ян Ньютон; Билл Одди; Оливер Рэкхэм; Тони Сопер; Ричард Саутвуд; Роджер Тэбор; Кеннет Уоткинс; Сара Уанлесс.
David Attenborough; Chris Baines; Trevor Beebee; David Bellamy; Gordon Benningfield; John Clegg; John Cloudsley Thompson; Richard Fitter; Max Hooper; Harold Hughes; Simon King; Richard Mabey; George C. McGavin; Ian Newton; Bill Oddie; Oliver Rackham; Tony Soper; Richard Southwood; Roger Tabor; Kenneth Watkins; Sarah Wanless.
Дэвид Беллами сыйлығы
Дэвид Беллами сыйлығы – ерекше көзге түскен табиғат зерттеушісіне жыл сайын берілетін марапат.
Ричард Фиттер сыйлығы
Ричард Фиттер еске алу медалі жыл сайын белсенді түрдегі табиғатты зерттеуші адамға табыс етіледі.