Кіріспе
Питер Маккалум онкологиялық орталығы, сондай-ақ Питер Маккалум онкологиялық институты деп те аталады және көбінесе Питер Мак деп қысқартылады, – Австралияның онкологиялық зерттеу институты, қатерлі ісіктерді емдеу және кәсіби онкологтарды даярлау орталығы. Ол Виктория штатының Мельбурн қаласында орналасқан. Орталыққа сэр Питер Маккалумның құрметіне ат қойылған. 2016 жылдың маусымынан бастап орталық Викториялық жан-жақты онкологиялық орталық (VCCC) ішінде орналасқан. Бұл орталық – Австралиядағы қатерлі ісіктерді емдеуге, зерттеуге және білім беруге арналған алғашқы мемлекеттік аурухана. Орталықтағы зерттеу бағдарламаларына Австралияның қатерлі ісіктерді зерттеу қорының (ACRF) қатерлі ісік клеткалары биологиясы бағдарламасы және ACRF Викториялық функционалдық геномика орталығы кіреді.
The centre is Australia's first public hospital dedicated to cancer treatment, research and education. Research programs at the centre include the Australian Cancer Research Foundation (ACRF) Cancer Cell Biology Program and the ACRF Victorian Centre for Functional Genomics in Cancer.
Тарих
1949 жылы Викториялық қатерлі ісіктер институты құрылды және келесі жылы оның ембулыториялық қызметтері "Питер МакКаллум клиникасы" деп аталды. Ол Мельбурн университетінің Медицина факультетінің деканы Питер Маккалумның құрметіне аталған, ол Рутерфорд Кей Скоттпен бірге оның құрылуына зор үлес қосты. Клиника бастапқыда Мельбурн қаласының орталығындағы Королева Виктория ауруханасының бір бөлмесінде орналасқан. Оның бас кеңсесі Уильям және Литтл Лонсдейл көшелерінің қиылысында, Флагстафф бақтарының жанында, кейіннен Виктория округтік соты салынған жерде болды. (Бұл жерде бұрын Джесси Макферсон жеке ауруханасы да орналасқан.) Институт Австралиядағы радиотрапевтерді даярлайтын алғашқы оқу орталығын ашты.
Жетістіктер
Питер Маккалум қатерлі ісіктер орталығы Newsweek 2024 жылғы әлемдегі ең үздік мамандандырылған ауруханалар тізімінде 14-ші орынды иеленді. Newsweek рейтингісі, жаһандық зерттеу компаниясы Statista-мен бірлесе отырып, Питер Макты онкология, кардиология, гастроэнтерология, неврология, акушерлік, педиатрия және тағы да басқа салалардағы 1500-ге жуық мамандандырылған ауруханалармен бірге бағалады. Питер Мак – бүкіл әлем бойынша алғашқы 100-ге кірген жалғыз Австралия ауруханасы.
Орналасқан жері
2016 жылдың маусым айында институт Мельбурнның Парквилл биомедициналық аймағының кіреберісіндегі мақсатты түрде салынған ғимаратқа көшірілді. Ол жақын орналасқан Корольдік Мельбурн ауруханасы, Корольдік әйелдер ауруханасы және Корольдік балалар ауруханасымен бірлескен қызметтерді қамтиды. Бұл жерде бұрын Корольдік стоматологиялық аурухана орналасқан. 1 миллиард долларлық қатерлі ісіктерді емдеу және зерттеу орталығын Silver Thomas Hanley, DesignInc және McBride Charles Ryan архитекторлары жобалаған.