Кіріспе

Дэвид Пинни – Вашингтон қаласындағы журналист және продюсер. Оның жұмыстары АҚШ-тың қоғамдық телерадиоарнасында (PBS) және Америка радиокомпаниясында (ABC) сондай-ақ, Los Angeles Times, Politico, The New York Times, Miami Herald, Hearst компаниясына тиесілі San Francisco Examiner және Wired басылымдарында жарияланған. Оның Ирактағы құрылыс жұмыстарына шартты түрде жұмысқа алынған шетелдік жұмысшыларға қатысты теңсіз еңбек жағдайлары және нашар қарау туралы материалдары Конгресс пен АҚШ Әділет департаментінің қылмыстық тергеулеріне, сондай-ақ АҚШ Бас инспекторларының зерттеулеріне себеп болды. 2007 жылы оның оқиғасы Project Censored тізіміне енді. Құжаттық фильмдер мен тікелей эфирдегі репортаждардан өзге, Пинни BBC, кабельдік жаңалықтар бағдарламалары мен радиода қонақ және сарапшы ретінде қатысқан. Оның жұмысына саяси жағдайлар, ел ішіндегі мәселелер, соғыс, терроризм және қауіпсіздік тақырыптары кіреді. Ол ABC, NBC, CBS, BBC, The Wall Street Journal және The Washington Post басылымдары үшін журналистер мен продюсерлерге кеңес берген. Оның мақалалары оннан астам тілге аударылып таратылған. Пинни Калифорния университетінің Беркли қаласындағы филиалында ағылшын тілі мен саясаттану мамандықтары бойынша бітірген. Ол журналистік мансабын музыка және кино туралы сын-пікірлер жазып, Сан-Франциско айманындағы жергілікті тұлғалар мен оқиғалар туралы әзілді очерктер жазу арқылы бастады. Бұрын баспагерлік қызметте басшы және редактор болған ол, Сан-Франциско айманында Bay City Publications баспасын құрды, ол Bay City Business Journal және Emeryville Guardian сияқты басылымдарды шығарды. Екі басылым да Калифорниядағы саяси жемқорлықты және жылжымайтын мүлікпен байланысты алаялықтарды ашыққа шығарған тергеу жұмыстары үшін марапатталды. Бұл іс бес жылдық федералдық сот тергеуін бастады және Калифорнияның басқа да жаңалықтар ұйымдары тарапынан қолдау тапты.