Кіріспе

Малаялам тілін және әдебиетін дамытуға арналған автономиялық орган – Керала Сахитья Академиясы немесе Малаялам әдебиеті академиясы. Ол Үндістанның Керала штатындағы Триссур қаласында орналасқан.

Тарих

Академия 1956 жылғы 15 қазанда Траванкордың бұрынғы патшасы Читира Тирунал Баларма Варма тарапынан Тируваннатпурамда ашылды. 1957 жылғы қыркүйекте ол қазіргі орналасқан жеріне, Триссур қаласына көшірілді. Академияға қаржылық қолдауды Керала үкіметі көрсетсе де, академияның басқаруы конституциясына сәйкес дербес болып табылады. Академия өлең, роман, әңгіме, драма, әдеби сын, өмірбаян, автобиография, саяхат, юмор, аударма, балалар әдебиеті сияқты жоғары сапалы әдеби туындыларды жыл сайынғы әдеби сыйлықтары арқылы таниды. 2016 жылдан бастап академияға малайлам тіліндегі әңгімелер авторы Вайсахан президент, Хадижа Мүмтез вице-президент, ал К. П. Моханан хатшы ретінде жетекшілік етеді.

Керала Сахития Академиясы сыйлығы

Академия 1958 жылы «Керала Сахитя Академиясы» сыйлығын тағайындады. Бұл сыйлық малаялам тілінде жазатын жазушыларға әдеби құндылығы жоғары еңбектері үшін жыл сайын беріледі. Сыйлықтар түрлі номинациялар бойынша табыс етіледі.

Іс-шаралар

Академияда Керала штатындағы ең жақсы кітапханалардың бірі бар. Ол Керала университеттері үшін бекітілген докторлық зерттеу орталығы болып табылады. Академия сонымен қатар, халық арасында оқуды ынталандыру мақсатында мерзімік кітап фестивальдарын өткізеді. Академияда бұрынғы жылдардағы жазушылардың суреттер галереясы бар. Академия үш журналды – "Сахитхаялокам", "Сахитхая Чакравалам" және "Малаялам әдебиетінің шолуы" (ағылшын тілінде) тұрақты түрде жариялайды. Керала Сахитя Академиясы сыйлығынан өзге, Академия жыл сайын көрнекті әдеби тұлғаларға Малаялам әдебиетінің әкесі Тунчаттху Ежутачанның атымен аталатын Ежутачан Пураскарам сыйлығын табыс етеді.