Кіріспе

Дінсіздік Канаданың барлық провинциялары мен аумақтарында кең таралған. Дінсіз канадалықтарға атеистер, агностиктер және секулярлық гуманистер жатады. Сауалнамаларға деистер, рухани адамдар және пантеистер де кіруі мүмкін. 2021 жылғы Канада халқының санағында канадалықтардың 34,6 пайызы ешқандай діни ұстанымға жатпайтынын мәлімдеді, бұл көрсеткіш 2011 жылғы санақта 23,9 пайыз, ал 2001 жылғы санақта 16,5 пайызды құраған еді. Онтариодағы діни төзімділік мәселелері жөніндегі кеңесшілердің мәліметінше, діні жоқ шамамен 4,9 миллион канадалықтың ішінде, шамамен 1,9 миллионы атеист, 1,8 миллионы агностик, ал 1,2 миллионы гуманист екенін көрсетеді.

Сауалнамалар мен қоғамдық пікірді зерттеулер

2011 жылы Ipsos Reid жүргізген сауалнамада Канада халқының 47%-ы дін әлемде жақсылықтан гөрі зияндылыққа көбірек әсер етеді деп санайтынын, ал 64%-ы дін жауаптарға қарағанда көбірек сұрақ тудырады деп санайтынын көрсетті. 2008 жылы Canadian Press Harris Decima жүргізген, 1000-нан астам канадалықты қамтыған телефондық сауалнамада 23%-ы ешқандай Құдайға сенбейтінін айтты. 2011 жылдың 12 қыркүйегінде жарияланған, Ipsos Reid жүргізген «Діннің әлемге тигізер зияны мен пайдасы туралы канадалықтардың пікірі екіге бөлінген» деген тақырыптағы сауалнама 1129 канадалық ересек адамды қамтыды және нәтижесінде 30%-ы Құдайға сенбейтіні анықталды. Сол сауалнамада өзін католик санағандардың 33%-ы және протестанттардың 28%-ы Құдайға сенбейтінін мәлімдеді. 2010 жылы Карлтон университетінің зерттеу орталығы мен Монреальдегі Канадалық зерттеулер қауымдастығы жүргізген, 420 канадалықтан алынған 80 сұрақтан тұратын пошта арқылы жүргізілген сауалнамада 30% «Мен Құдайдың әрине бар екенін білемін және күмәнім жоқ» деген пікірмен келісті, 20% «күмәнім бар» екенін мойындады, бірақ «Мен Құдайға сенемін» дейді, 10% Құдайға «кейде» сенеді, 20% «жеке Құдайға» сенбей, «жоғары күшке» сенеді, 12% классикалық агностицизм ұстанымын қабылдап, «Құдай бар ма, жоқ па, мен білмеймін және оны табудың жолы бар деп санаймын» деді, ал 7% Құдай жоқ деді. Олардың жартысынан астамы жұмаққа сенеді, үштен бірі тозаққа сенеді, ал 53,5%-ы өлімнен кейінгі өмірге сенедін айтты. Шамамен 27%-ы қайта тууға (реинкарнацияға) сенеді, ал 50%-ы діни кереметтерге сенеді.

Қауымдастықтар

Көптеген дінге сенбейтін канадалықтар қауымдастықтар құрды, мысалы, 1968 жылы құрылған Канада Гуманистік қауымдастығы, Канада зерттеу орталығы, Торонто университетіндегі Торонто зайырлы альянсы, Канадалық атеистер және 1992 жылы құрылған Ерік ойлаушылар қоғамы. 1999 жылы жүздеген дінге сенбейтін канадалықтар Канада Конституциясының кіріспесінен "Құдай" деген сөзді алып тастау туралы петицияға қол қойды. Парламент мүшесі болған Свенд Робинсон бұл петицияны Парламентте ұсынғаннан кейін, партия жетекшісі оны артқа отырғызды. Содан кейін сол топ "О Канада" Канаданың ұлттық әнұранынан "Құдай" деген сөзді алып тастау туралы петиция берді, бірақ әлі күнге дейін нәтижеге қол жеткізе алмады.

Этностық топ

+ % Діінсіз канадтықтарЭтникалық топтар (2001–2021)202120112001Халық% ХалықХалық% Еуропалық 9,289,060 73.85 6,020,695 76.69 3,811,880 77.79 Қытайлық 1,230,520 9.78 852,740 10.86 603,115 12.31 Үндістер 849,560 6.75 437,570 5.57 212,120 4.33 Африкалық 278,895 2.22 125,905 1.60 80,430 1.64 Оңтүстік Азиялық 156,885 1.25 67,405 0.86 30,610 0.62 Латын Америкалық 141,470 1.12 51,035 0.65 20,775 0.42 Оңтүстік-Шығыс Азиялықтар 139,805 1.11 71,840 0.92 39,915 0.81 Көп ұлтты 102,885 0.82 39,715 0.51 13,875 Батыс Азиялықтар 102,610 0.82 39,930 0.51 9,940 0.20 Корейлер 86,780 0.69 44,195 0.56 20,040 0.41 Жапондықтар 66,930 0.53 49,150 0.63 34,660 0.71 Филиппиндер 54,735 0.44 19,230 0.24 6,990 0.14 Арабтар 40,010 0.32 15,300 0.19 5,435 0.11 Басқа Этностар 37,365 0.30 15,885 0.20 9,320 0.19 Барлық ДіінсізКанадтық Халық 12,577,475 100.00 7,850,605 100.00 4,900,095 100.00