Кіріспе

ASIFA Hollywood, Калифорния штатының Лос-Анджелесінде орналасқан американдық коммерциялық емес кино ұйымы, Халықаралық анимациялық кино қауымдастығының бөлімшесі. Оның мақсаты – кино анимациясының өнерін түрлі жолдармен, оның ішінде жеке мұрағаты және жыл сайынғы марапаттау рәсімі – Энни сыйлықтары арқылы насихаттау. Ол Халықаралық анимациялық фильмдер қоғамы ретінде де танымал. ASIFA-ның филиалдары бүкіл әлемде бар; АҚШ-та Сан-Франциско, Нью-Йорк, Атланта, Сиэтл, Детройт және басқа да қалаларда бөлімдері бар, ал халықаралық деңгейде Францияның Аннеси қаласы, Италия және Жапонияда ұйымдар жұмыс істейді. ASIFA сонымен қатар ASIFA Hollywood студенттік анимациялық фильмінің фестивалі сияқты әлемдік анимациялық фильмдер фестивальдарын демеушілік етеді. Онда ASIFA Hollywood анимациялық мұрағат жобасын қамтитын виртуалды мұрағат, мұражай, кітапхана және зерттеу орталығы бар.

ASIFA-Hollywood тарихы мен жобалары

ASIFA Hollywood 1957 жылы Билл Скотт, Стивен Босту, Уорд Кимболл, Уильям Т. Хурц, Лес Голдман және Билл Литтлжонмен құрылған.

Энни сыйлығы

1972 жылдан бері ASIFA Hollywood анимация өнеріне үлкен үлес қоскан тұлғаларды құрметтеу мақсатында жыл сайын марапаттау салтанатын өткізіп келеді.

Фильмді сақтау

1950 жылға дейін кинофильмдер тұрақсыз, өртке оңай қабылатын нитрат пленкасына түсіріліп, көшірілген. Олар уақыт өте келе бұзылып, көптеген алғашқы анимациялық фильмдердің жоғалу қаупі туды. «Анимацияны сақтау жобасы» арқылы ASIFA Hollywood құтқаруға мұқтаж мультфильмдерді іздеп табады және оларды қауіпсіз пленка мен цифрлық форматта сақтау үшін қаржы жинайды.