Кіріспе

Вилла Хортенсия – Аргентинаның Санта-Фе провинциясындағы Росарио қаласындағы сарай. Ол Росарионың солтүстік-шығыс бөлігіндегі Баррио Альбердидегі 1917 Warnes көшесінде орналасқан. 1890 жылы архитектор Бойд Уокер Альбердидің негізін қалаушы Хосе Николас Пуччо үшін салған. Кейін ол Сиро Эчесортуға, одан кейін Альфредо Руиллонға сатылды, ол Мария Хортенсия Эчесортуға (үй осы кісінің атымен аталуы себебі) үйленген болатын. Бай Руиллон отбасы Вилла Хортенсияны Парана өзеніне жақындығы мен үлкен, ағаштармен көмкерілген бақтарының артығын пайдаланып, жазғы резиденция ретінде пайдаланған. 1989 жылы ол Ұлттық тарихи ескерткіш деп жарияланғанға дейін сарайдың күтіміне немқұрайлы қарау салдарынан тозуға ұшыраған. Ол кезде оны бұзу қаупі туындаған. 1996 жылдың 30 мамырында Вилла Росарио муниципалитетіне ресми орталықсыздандыру жоспарының бір бөлігі ретінде әкімшілік орталыққа айналдыру мақсатымен сатып алынды. Вилла Хортенсия бастапқы жоспарлар мен материалдарға баса назар аудара отырып, қайта жаңартылды және 1997 жылдың 13 қазанында алғашқы муниципалдық аудандық орталық ретінде қайта ашылды. Вилла Хортенсияда азаматтарға көмек көрсету кеңсесі, Росарио муниципалдық банкінің бөлімшесі, сондай-ақ су, табиғи газ және электр энергиясы компанияларының кеңселерi орналасқан. Солтүстік ауданының тұрғындары осы қызметтер үшін төлем жасауға, өтініш беруге және т.б. мүмкіндік алады. Бұдан өзге, үйде неке қию кеңсесі де бар. Бұл азаматтарға қалалық әкімшілікке барудың орнына, өз үйлеріне жақын жерде әкімшілік мәселелерді шешуге мүмкіндік береді (қала орталығына автобуспен 40 минут). Вилла Хортенсияның ашылуынан кейін бір ай өткен соң жүргізілген сауалнама көрсеткендей, Солтүстік ауданының тұрғындары бұрын әкімшілік мәселелер үшін орташа есеппен 8 км жол жүрген, ал қазір бұл қашықтық 1,5 км-ге дейін қысқарған. Сауалнамаға қатысқандардың 80 пайызы Вилла Хортенсиядағы қызмет сапасын бұрынғы қалалық кеңселердегі қызметтен жақсы деп бағалаған.