Кіріспе

Англияның шығыс жағалауындағы бекініс.

Джейвик Мартелло мұнарасы – Эссекс окрусындағы Клэктон-он-Сиден оңтүстік-батысқа қарай 4 километр жерде орналасқан, қайта жаңартылған Мартелло мұнарасы. Қазір ол өнер, тарих және қоғамдық орталық ретінде жұмыс істейді. Бұл II санаттағы тізімде тұрған және қорғалатын ескерткіш.

Тарих

Бұл мұнара Англияның шығыс жағалауындағы бірнеше Мартелло мұнараларының бірі болды. Олар елді Наполеон Бонапарт пен оның әскерлерінің басып кіруінен қорғау үшін салынған. Барлығы 1804 және 1812 жылдар аралығында 103 Мартелло мұнарасы салынды, оның 74-і 1804 және 1808 жылдар аралығында Кент және Суссекс жағалауындағы Фолкстондан Сифордқа дейін, ал 29-ы 1809 жылдан 1812 жылға дейін шығыс жағалауындағы Сент-Осит пен Алдебургке жақын Пойнт-Клир аралығында салынды. Оңтүстік жағалаудағы мұнаралар 1-ден 74-ке дейін нөмірленді, ал шығыс жағалаудағы мұнаралар А-дан Z-ға дейін әріптермен белгіленді. Шығыс жағалаудағы тағы үш мұнара АА, ББ және СС деп аталады. Jaywick мұнарасы – D мұнарасы. Мұнара Грейсте өндірілген және баржамен тасымалданған шамамен 750 000 Лондон сазды кірпіштерінен салынған. Кірпіш қабырғалары жуан және биік. Шатырдың үстінде теңізге қарап тұрған үш зеңбірек, әдетте бір ауыр зеңбірек екі кішкентай гаубицаның қасында орналасқан. Jaywick мұнарасы зеңбіректерге арналған орнатуларын сақтап тұр. 1904 жылы мұнараны Әскери министрлік сатып алып, оны гольф алаңының бөлігіне айналдырды.

Өнер ордасы

2005 жылы мұнара Эссекс округі кеңесі басқаратын галереялық кеңістік және өнер орталығы ретінде ашылды. Онда сондай-ақ қоғамдық семинарлар, тарихи оқиғаларды қайта жаңғырту және тікелей музыка сияқты түрлі жобалар мен шараларды өткізуге мүмкіндік бар. 2011 жылы мұнарада бір жұп үйленді. 2019 жылы мұнарада Historic England осы жағалау бойындағы бірнеше Мартелло мұнараларына күрделі жөндеу қажет екенін хабарлағаннан кейін, қолдануға тиіс шараларды талқылау үшін кездесу өтті.