Кіріспе

Ситипойнт (бұрынғы атауы Britannic House және Britannic Tower) – Лондон қаласының басты қаржы ауданы және тарихи ядросының солтүстік шетіндегі Ропмейкер көшесінде орналасқан ғимарат. Бастапқыда Британдық үй деп аталған Ситипойнт 1967 жылы 35 қабаттан тұратын, биік штаб-пәтер ретінде салынды. Британдық мұнай компаниясының (қазіргі BP) бас кеңсесі ретінде салынған бұл ғимарат, Лондон қаласы аумағындағы алғашқы ғимарат болып Санкт-Пол соборының биіктігінен асып түсті. Дизайнерлері – Ф. Мильтон Кэшмор және Х. Н. В. Гросвенор. 1991 жылы British Petroleum Финсбери Циркке өздерінің алғашқы кеңсесіне қайта көшіп, ғимарат Britannic Tower деп қайта аталды. 2000 жылы ғимарат қайта жаңартылып, қосымша қабаттар қосылып, биіктігі арттырылды. Қайта жаңартуды жүзеге асырған дизайнер – Шеппард Робсон. Жаңартудан кейін ғимарат Ситипойнт деп аталды. Ситипойнт – Ситидегі ең биік 13-ші ғимарат және Ұлы Лондондағы ең биік 63-ші ғимарат. 2005 жылдың тамызында оның иесі Pillar Properties бұл ғимаратты 500 миллион фунт стерлингтен астамға сатты, бұл Сити кеңсе нарығындағы ең ірі мәмілелердің бірі болды. 2007 жылдың басында ғимарат қайтадан сатылымға шығарылды, бұл жолы 650 миллион фунтқа сатылып, оны Beacon Capital Partners жеке американдық компаниясы сатып алды. Ол кезде бұл Ұлыбританиядағы ең қымбат ғимарат сатылымы болды. Бірнеше айдан кейін Канардық доктардағы 8 Canada Square ғимараты 1 миллиард фунт стерлингке сатылып, бұл көрсеткішті арттырды. Жақын жерде тағы бірнеше ірі ғимараттар салынды, соның ішінде The Heron – Милтон Корттағы 36 қабаттан тұратын тұрғын үй кешені және British Land компаниясы салған Ropemaker Place кеңсе мұнарасы.