Кіріспе

I дәрежелі қамал Тренттегі Ньюаркта, Англия

Ньюарк қамалы, Англияның Нотингемшир графтығындағы Тренттегі Ньюаркта, 12 ғасырдың ортасында Линкольн епискобы Александр салған. Алғашқыда ағаштан салынған қамал, ғасыр соңында таспен қайта жаңартылған. Ағылшыл азамат соғысының нәтижесінде қамал 17 ғасырда қиратылып (бұздырылған), ал 19 ғасырда қайта қалпына келтірілді, бірінші 1840 жылдары Энтони Салвин, содан кейін 1889 жылы осы жерді сатып алған Ньюарк қалалық әкімшілігі есебінен.

Тарих

1135 жылы Генрих I Линкольн епискобына қамал салуға рұқсат берді. Жарғыда былай делінген: «Англия королі Генрих барлық барон мен шерифтерге, оның министрлеріне және Ноттингемширдің адал халқына сәлем. Біліңдер, мен Линкольн епискобы Александрға Ниверк балық көлінің бойында ор қазуға және қоршау салуға рұқсат бердім, ал ол Фоссуэйді қала арқылы қалауынша бұра алады. Александр сондай-ақ қамал ішінде монета соғу орталығын құрды. Бұл алғашқы қамал, әдетте, ағаштан салынған, бірақ ғасыр соңына қарай таспен қайта салынды. 1648 жылы қамал қиратылып, қараусыз қалды. 1845 және 1848 жылдар аралығында архитектор Энтони Салвин қамалдың қалпына келтіру жұмыстарын жүргізді, ал 1889 жылы Ньюарк қалалық әкімшілігі ғимаратты сатып алып, одан әрі жөндеу жұмыстарын жасады. Қамал – Ежелгі ескерткіш ретінде тіркелген, сонымен қатар I санаттағы ғимарат (1950 жылы алғаш рет тіркелген) және халықаралық маңызы бар құрылым деп танылған. Гилстрап мұра орталығы қамал аумағында орналасқан. Орталықта қамал және Англия азамат соғысы кезіндегі қала тарихына қатысты көрмелер бар. Гилстрап орталығы қазір Ньюарк тіркеу кеңсесі болып табылады. Бақшаға кіру тегін, ал экскурсияларды қамал күзетшісі (Castle Ranger) жүргізеді.